"Mançester Yunayted" və PSJ-dən darmadağın, rəqiblərimizin oyununda "Çelsi" qalib gəldi - <span c

Çempionlar Liqasında II turun növbəti oyunları keçirilib.

XalqTV.com apasport.az-a istinadən xəbər verir ki, təmsilçimiz "Qarabağ"la birlikdə qitənin 16 ən güclü komandası mübarizə aparıblar.

Azərbaycan çempionu "Qarabağ" günün ilk matçında, digərlərindən daha tez başlayan oyunda "Roma" ilə qarşılaşıb. C qrupunun bu oyunu Azərbaycan klublarının Çempionlar Liqasının əsas mərhələsində ilk ev qarşılaşması olub. Görüş qonaqların üstünlüyü ilə başa çatıb - 2:1.

Qrupun digər matçında əsas favoritlər "Çelsi" və "Atletiko" sonuncuların meydanında görüşüb. Londonlular qalib gəliblər.

A qrupunda da liderlər üz-üzə gəlib. İlk turu qalib kimi başa vuran MOİK-lə "Mançester Yunayted" Rusiyada görüşüb. Şimal qonşularımız "Benfika" zəfərinin təsadüf olmadığını doğma publika onündə isbatlamağa çalışsa da, "şeytan"a təslim olublar - 1:4.

Turun ən maraqlı görüşlərindən biri Parisdə baş tutub. Qitənin ən güclüləri sırasında yer alan PSJ və "Bavariya" aşkar favoritləri olduqları qrupun liderliyi üçün ilk dueldə üz-üzə gəlib. Oyun Fransa təmsilsinin 3:0 hesablı qələbəsi ilə yekunlaşıb.

Çempionlar Liqası

Qrup mərhələsi, II tur

27 sentyabr

A qrupu

MOİK (Rusiya) - "Mançester Yunayted" (İngiltərə) - 1:4

Qollar: Kuçaev, 90 - Lukaku, 4, 27, Marsial, 18 (pen.), Mxitaryan, 57

"Bazel" (İsveçrə) - "Benfika" (Portuqaliya) - 5:0

Qollar: Lanq, 2, Oberlin, 20, 69, Van Volfsfinkel, 59, Riveros, 72

B qrupu

"Anderlext" (Belçika) - "Seltik" (Şotlandiya) - 0:3

Qollar: Qriffits, 38, Kara, 50, Sinkleyr, 90+4

PSJ (Fransa) - "Bavariya" (Almaniya) - 3:0

Qollar: Dani Alves, 2, Kavani, 31, Neymar, 60

C qrupu

"Qarabağ" (Azərbaycan) - "Roma" (İtaliya) - 1:2

Qollar: Pedro, 28 -Manolas, 7, Dzeko, 15

"Atletiko" (İspaniya) - "Çelsi" (İngiltərə) - 1:2

Qollar: Qrizman, 40 (pen.) - Morata, 60, Batşuay, 90+4

D qrupu

"Yuventus" (İtaliya) - "Olimpiakos" (Yunanıstan) - 2:0

Qollar: İquayn, 69, Mancukiş 80

"Sportinq" (Portuqaliya) - "Barselona" (İspaniya) - 0:1

Qol: Koates, 49 (öz qapısına)

XalqTV.com

Digər maraqlı xəbərlər XalqTV.com-ın Facebook səhifəsində