Azərbaycanda bankların xarici borcları azalır

01 May 2017-ci il tarixinə Azərbaycanın kommersiya banklarının xarici öhdəlikləri manatla ifadədə 7 milyard 99,3 milyon manat təşkil edib (hazırkı məzənnə ilə təxminən 4 milyard 200 milyon dollar).
 
XalqTV.com marja.az-a istinadən bildirir ki, aylıq müqayisədə (Apreldə) bankların xarici öhdəlikləri 211,6 milyon manat və ya 125 milyon dollar azalıb.
 
Fevarlın əvvəlində bankların xarici öhdəlikləri  8 milyard 71,7 milyon manat idi. 3 ayda bankların xarici öhdəlikləri 972,4 milyon manat azalıb. İlin əvvəlində xarici öhdəliklərin manatla ifadədə artması Dolların bahalaşması ilə bağlı idi.
 
Qeyd edək ki, bu ilin Fevral ayından başlayaraq Manat Dollar qarşısında təxminən 11 güclənib. Xarici öhdəliklər əsasən dollarda olduğundan Manat ilə ifadədə azalmış kimi görünür. Aprel ayında isə Dollar 1,3% ucuzlaşıb. Dolların apreldə də ucuzlaşmasını nəzərə alsaq, həmin ay xarici öhdəliklərin manat ilə ifadədə 211,6 milyon manat azalmasının təxminən yarısının məzənnənin düşməsindən qaynaqlandığını deyə bilərik.
 
Qeyd edək ki, xarici öhdəliklərin təxminən 2,3 milyard dolları və ya 3,9 milyon manatı Azərbaycan Beynəlxalq Bankına məxsusdur. Dövlət bu öhdəlikləri üzərinə götürdükdən sonra bankların cəmi öhdəlikləri təxminən 3 milyard manata və ya 1,9 milyard dollara düşəcək.

XalqTV.com

Digər maraqlı xəbərlər XalqTV.com-ın Facebook səhifəsində