Siqaretdən imtina etməyə kömək edən vaksin hazırlanıb

Skripps Tədqiqat İnstitutu (ABŞ) alimləri insana siqaretdən həmişəlik imtina etməyə kömək edən vaksin hazırlayıblar.

Vaksinin təsiri altında siqaret çəkən insanın orqanizmində nikotinə qarşı xüsusi anticismlər yaranır ki, nəticədə insanda siqaret çəkməyə meyl itir.

MedicalXpress xəbər verir ki, alimlər yeni vaksini siçanlar üzərində test ediblər. Məlum olub ki, nikotin 10 dəqiqədən sonra neytrallaşdırılırdı.

Alimlər yaxın zamanlarda bu vaksini insanların üzərində test etməyi planlaşdırırlar.