Futbolçu yerkökü yeyərkən çənəsini sındırdı - FOTO

"Heerenveen" (Hollandiya) klubunda oynayan isveç futbolçu Rami Kaib yerkökü yeyərkən çənəsini sındırıb. Bu səbəbdən gənc futbolçu bir müddət komandasına kömək edə bilməyəcək.

XalqTv.com oxu.az-a istinadən xəbər verir ki, məlumata görə, Kaib bir müddət əvvəl oynayarkən çənəsindən ağır zərbə alıb. Buna baxmayaraq o, məşqlərə və əlbəttə ki, yemək yeməyə davam edib. Nahar fasiləsi zamanı yerkökü yeyərkən isə tərəvəz gözlədiyindən bərk olub və çənəsini qırıb.

Qeyd edək ki, Rami Kaib bu mövsüm komandanın ilk iki matçına qatılıb.

Onun yenidən komandaya qayıdacağı dəqiq tarix hələ açıqlanmayıb.