Mədəniyyət

"Instagram"dan sərt QADAĞA

Xalq Tv Vətənpərvər Verlişi
Xalq Tv Vətənpərvər Verlişi
  • 31 Aug 2021
  • 2709 baxış

"Instagram" sosial şəbəkəsinin istifadəçiləri doğum tarixlərini göstərmələrini tələb edən mesajlar alacaqlar.

XalqTV.com lent.az-a istinadən xəbər verir ki, bu barədə "Instagram"ın sahibi olan "Facebook" şirkətinin açıqlamasında deyilir. 

Qeyd olunur ki, şirkət gələcəkdə doğum günü göstərilmədən "Instagram"dan istifadəni qadağan edəcək və süni intellekt alqoritmlərindən istifadə edərək məlumatların düzgünlüyünü yoxlayacaq. "Instagram"ın nümayəndələri bildirib ki, sözügedən tələb reklamların daha yaxşı fərdiləşdirilməsinə və uşaqları qoruyacaq funksiyalar yaratmağa imkan verəcək.

"Bildirişi bir neçə dəfə göndərəcəyik. Əgər müəyyən bir vaxtda doğum gününüzü qeyd etməsəniz, "Instagram"dan istifadə etmək üçün bunu etməli olacaqsınız", - "Facebook"un məlumatında bildirilib.

Xatırladaq ki, hazırda "Instagram"da təhlükəsizlik səbəbindən 16 yaşdan kiçik olan istifadəçilərin yeni hesabları avtomatik olaraq bağlanır. Bundan başqa, sosial şəbəkə böyüklərin 18 yaşınadək istifadəçilərə şəxsi mesaj göndərmələrinə icazə vermir.

RƏYLƏR
ÖNƏRİLƏN XƏBƏRLƏR