Koronavirus ürək və beyni belə məhv edir

İsveçin Umea Universitetindən olan alimlər COVID-19 xəstələrində miokard infarktı və işemik insult riskinin qat-qat artdığını bildiriblər.

Xalqtv.com-a istinaden xəbər verir ki, alimlər 86 min koronavirus xəstəsinin və 350 minə yaxın şəxsin nəticələrini müqayisə etdikdən sonra bu nəticəyə gəliblər. Məlum olub ki, koronavirus simptomlarının başlanmasından sonra ilk həftədə infarkt riski 3-8 dəfə, insult riski isə 3-6 dəfə artır. Xəstəlikdən 2 həftə sonra 56 yoluxmuş insan infarkt keçirib, halbuki bütün tədqiqat dövründə virusa yoluxmayan insanlardan cəmi 26-sı infarkt olub. Eyni zamanda əvvəllər infarkt və ya insult keçirmiş xəstələr nəzərə alınmayıb.

Tədqiq edilən koronavirus xəstələri qrupunda orta yaş 48 təşkil edib və onların yarıdan çoxu (57%) qadın olub. Amma gözlənildiyi kimi, infarkt kişilərdə daha çox görülüb. Bunun 2 səbəbi var: ya kişilər cinsi hormonlarından zərər çəkirlər, ya da nikotin, spirtli içki kimi zərərli asılılıqları var.