İqtisadiyyat

Azərbaycan qazının Bolqarıstana nəqli layihəsi üçün qrantın həcmi açıqlanıb

  • 19 May 2021
  • 1778 baxış

Azərbaycan qazının Bolqarıstana nəqlini nəzərdə tutan Yunanıstan-Bolqarıstan interkonnektoru (IGB) layihəsini reallaşdırmaqla məşğul olan ICGB AD "İnnovasiyalar və rəqabətqabiliyyətlilik" əməliyyat proqramı çərçivəsində 28,5 milyon avro dəyərində qrant alıb.

XalqTv.com bu barədə Trend-ə şirkətdən bildiriblər.

Qeyd olunub ki, həmin proqram çərçivəsində 39 milyon avro məbləğində qrant nəzərdə tutulub:

"Bu məbləğin 85 faizi Avropa strukturları və investisiya fondları tərəfindən, 15 faizi isə yerli maliyyələşmə ilə qarşılanır. Proqram çərçivəsində ilk müraciət 2020-ci ilin noyabrında edilib, 28,5 milyon avro məbləğində vəsait martın 1-də nağdlaşdırılıb. İkinci müraciət aprel ayının sonunda edilib. "

ICGB AD bildirib ki, Avropa Enerji Bərpası Proqramı çərçivəsində Aİ-dən 45 milyon avro qrant alacaq. Bu proqram çərçivəsində 6,4 milyon məbləğində ilkin ödəmə 2020-ci ilin dekabrında həyata keçirilib.

RƏYLƏR
ÖNƏRİLƏN XƏBƏRLƏR