Xəbərlər

Həyatları xilas edən smartfon - Samsung Galaxy S10.

Masya
Masya
  • 14 Aug 2020
  • 21 baxış

Smartfon həyatımızın vacib bir hissəsidir, onun köməyi ilə ünsiyyət qururuq, istirahət edirik, oyun oynayırıq və iş həyatımızı təşkil edirik, lakin düzgün seçilmiş smartfon həm də təhlükəli vəziyyətdə köməyimizə yetə bilirmiş. Belə ki, Avstraliya cütlüyünün başına gələn çətin bir hadisədə Samsung Galaxy S10, sözün əsl mənasında həyatlarını xilas edib.

Bu ilin iyun ayında yaşanan hadisəni, gənclər əlbəttə ki, uzun müddət unuda bilməyəcəklər. Cesika və Lindsey, Kerns (Avstraliya) sahillərindən 38 kilometr uzaqda motorlu gəmidə istirahət edirdilər. Ərazi turistlər tərəfindən çox populyardır və Böyük Baryer Rifi ilə məşhurdur. Burada mərcan rifi ilə qorunan sualtı dünya müxtəlif orqanizmlərin bolluğu və inanılmaz gözəlliyi ilə heyran edir.

Lakin, cütlüyün istirahəti heç başlamamış qəflətən sona çatmışdı, belə ki, lövbər ipinə dolaşan motor səbəbindən qayıq dalğa ilə üz-üzə gələrək çevrilmişdi.

Anidən baş verən hadisə Cesika və Lindseyi qəflət yaxaladığından xilas etmə jiletləri və radio mayakı götürməyə macal tapmayan cütlük, sadəcə lövbərin üzücü nişanından tutaraq su üzündə qalmağa müvəffəq olur.

Suda bir müddət qaldıqdan sonra gənclər vəziyyətdən çıxış yolu tapmağa qərar verirlər və Cesikanın smartfonunun - Samsung Galaxy S10, tamamilə işlək vəziyyətdə olduğunu aşkarlayırlar. Cesika xilasedicilərlə əlaqə saxlayaraq, Google Maps əlavəsindən istifadə edib, gəmi qəzasının baş verdiyi yerin görüntülərini onlara göndərir. Qeyd edək ki, elə sözü gedən həmin bu məlumat zərərçəkənlərin tapılmasında böyük rol oynayıb.

Ümumilikdə suda iki saatdan artıq vaxt keçirdikdən cütlüyü ancaq gecə saatlarında tapa biliblər, lakin, bundan sonra da Samsung Galaxy S10 sahibinə gözlənilməz bir şəkildə kömək edib.

Smartfonun fənər funksiyasından nadir hallarda istifadə edirik, lakin ağıllı cihazın bu qabiliyyəti sayəsində cütlüyü qaranlıqda aşkar etmək mümkün olub. Belə ki, Samsung Galaxy S10 zülmət qaranlıq şəraitində sözün əsl mənasında xilasedicilərin yolunu işıqlandırıb.

Bu hekayə, çətin vəziyyətlərdə belə, Galaxy smartfonlarının davamlılığının misilsiz bir nümunəsidir. Qeyd edək ki, Cesikanın  Galaxy S10-nu  hələ də əla işləyir və sahibini istənilən çətin vəziyyətdən qurtarmağa hazırdır.


XalTv.com

RƏYLƏR
ÖNƏRİLƏN XƏBƏRLƏR