Dünya

ABŞ-da mülki geyimli polislər qadını zorla mikroavtobusa mindirib, idarəyə apardılar - Qalmaqallı Vİ

Masya
Masya
  • 30 Jul 2020
  • 21 baxış

ABŞ-da etiraz aksiyasında iştirak edənlərin üzərində hər hansı xüsusi nişanı olmayan mikroavtobuslara mindirilərək aparılması kəskin tənqid edilib.

XalqTV.com bildirir ki, ABŞ-ın nüfuzlu nəşrlərindən olan "New-York Post"da bu barədə tənqidi məqalə dərc edilib. Məlumata görə, ABŞ-da mülki geyimli polislər aksiyaçıları zorla mikroavtobuslara mindirərək ərazidən uzaqlaşdırıblar.

Həmin anın görüntüləri sosial şəbəkələrdə yayılaraq narazılıqlara səbəb olub. Kadrlarda mülki geyimli polislərin gənc qadını zorla minivana mindirməsi aşkar şəkildə görünür. Görüntülər Manhettenin 25-ci küçəsində lentə alınıb.

Məqalədə polisin istifadə etdiyi bu taktikanın etiraz aksiyalarının müxtəlif bölgələrdə daha da artmasına gətirib çıxarması qeyd olunub.

Sosial şəbəkələrdə narazılıqların artması səbəbindən Polis departamenti açıqlama verərək bildirib ki, videoda saxlanılan 18 yaşlı etirazçı Nikki Stone "City Hall" parkı yaxınlığında baş verən insidentlər zamanı polisə məxsus kameraları zədələdiyinə görə tutulub.

Həmçinin bildirilib ki, 18 yaşlı Nikki transgenderdir və əməliyyat vaxtı saxlanılan 12 nəfərdən biridir.

"The Civilian Complaint Review Board" idarəsinin açıqlamasına görə, Nikkinin saxlanılması ilə bağlı edilən şikayətlərin artması səbəbindən məsələ ilə bağlı araşdırma aparılacaq.

Qeyd edək ki, ABŞ-ın Minnesota ştatının Minneapolis şəhərində afroamerikalı Corc Floydun polis tərəfindən boğularaq öldürülməsindən sonra müxtəlif ştatlarda kütləvi etiraz aksiyaları təşkil olunub.


RƏYLƏR
ÖNƏRİLƏN XƏBƏRLƏR