Siyasət

DİN-dən üzr məsələsi ilə bağlı - Açıqlama

Masya
Masya
  • 10 Jun 2020
  • 49 baxış

DİN-dən üzr məsələsi ilə bağlı


Daxili İşlər Nazirliyi Yasamal rayonunda Çevik Polis Alayının keçirdiyi əməliyyat zamanı qadına qarşı xoşagəlməz ifadələr işlədilməsi ilə bağlı həmin vətəndaşdan üzr istənilməsi məsələsi haqda daha bir açıqlama verib.

XalqTv.com xəbər verir ki, nazirliyin mətbuat xidmətinin rəisi, polis polkovniki Ehsan Zahidov “Qafqazinfo”ya açıqlamasında sosial şəbəkələrdə, hətta bəzi xəbər saytlarında belə başa düşülüb ki, guya polis Yasamal rayonundakı hadisə ilə bağlı bütün bina sakinlərindən və polisin üzərinə məişət əşyaları atanların hamısından üzr istəyib:

“Bu əsla belə deyil. Yalnız o ifadəyə görə həmin xanımdan üzr istənilib. Başqa heç kəsdən üzr istənilməyib, belə bir fikir də yoxdur. Çünki polis qanunun ona verdiyi səlahiyyətlər çərçivəsində davranıb və bütün hərəkətləri də qanunidir. Polis ictimai asayişi, karantin rejiminə nəzarəti həyata keçirir. Polis bütün hərəkətlərində tam haqlıdır. Sadəcə həmin ifadəyə görə vətəndaş Gülər Süleymanovadan üzr istənilib. Həmin ifadəni işlədən polis əməkdaşı da Daxili işlər naziri Vilayət Eyvazovun əmri ilə daxili işlər orqanlarında xidmətdən xaric olunub”.

Qeyd edək ki, əməliyyat zamanı ÇPA əməkdaşı iki övladı saxlanılan Gülər Süleymanovaya “siz də, əriniz də dovşansınız” deyib.


https://xalqtv.com/

RƏYLƏR
ÖNƏRİLƏN XƏBƏRLƏR