Mədəniyyət

Şabran Xalq teatrı iki yeni tamaşa təqdim edəcək

  • 27 Jun 2019
  • 430 baxış

III Respublika Xalq Teatrları Festivalının qalibi seçilən Şabran rayon Xalq teatrı yeni tamaşalar üzərində işləyir.

Kollektiv festivalda İlyas Əfəndiyevin “Hökmdar və qızı” pyesi ilə çıxış edib. Tamaşanın quruluşçu rejissoru, teatrın bədii rəhbəri Cabir Əmrahovdur. Xalq teatrı festivalda 12 nəfərlik heyətlə çıxış edib.

III Respublika Xalq Teatrları Festivalının final mərhələsində Bakıda və respublikanın bölgələrində keçirilmiş baxış-seçim mərhələsində uğur qazanan 13 kollektiv (İsmayıllı, Qəbələ, Beyləqan, Zaqatala, Şabran, Masallı, Şərur, Füzuli, Yevlax, Mərdəkan, Qax, Bərdə, Cəlilabad xalq teatrları) iştirak edib.

Şabran rayon Xalq teatrının bədii rəhbəri Cabir Əmrahov bildirib ki, festivalda III yerə Mərdəkan, Zaqatala, Yevlax xalq teatrları, II yerə Cəlilabad, Şərur xalq teatrları layiq görülüb. Şabran rayon Xalq teatrı isə festivalın birincisi elan olunub. Ölkəmizdə ümumilikdə 39 xalq teatrı kollektivi fəaliyyət göstərir. Əhalinin asudə vaxtının təmin olunması, istedadlı şəxslərin yetişdirilməsi, onların bədii yaradıcılığının inkişaf etdirilməsində bu kollektivlərin əhəmiyyətli rolu var.

Şabran rayon Xalq teatrı hazırda Bəxtiyar Vahabzadənin “Dar Ağacı” və İsi Məlikzadənin “Subaylarınızdan görəsiz” pyesləri əsasında hazırlanan yeni tamaşalar üzərində çalışır. Yaxın günlərdə səhnə əsərlərinin məşqlərinə başlanacaq. Kollektiv bu tamaşalarla Şabranda və ətraf rayonlarda qastrol səfərləri ilə çıxış edəcək.                                                                                                                                                                                                                                                                                                                                                                                                                                                                                             Xalq TV                                                                                                                                                                                                    Aygün Məmmədova

RƏYLƏR
ÖNƏRİLƏN XƏBƏRLƏR