Xəbərlər

Sumqayıtda 26 iyun Silahlı Qüvvələr günü münasibətilə tədbirlər keçirilib

Masya
Masya
  • 26 Jun 2019
  • 43 baxış

Sumqayıt Regional Mədəniyyət İdarəsinin təşəbbüsü ilə tabe müəssisələrdə 26 iyun Silahlı Qüvvələr günü münasibətilə tədbirlər keçirilib.

Sumqayıt şəhər N.Nərimanov adına Mədəniyyət Mərkəzində Mərkəzinin təşkilatçılığı ilə klub müəssisələrinin "Ordum məni qoruyur" adlı birgə konsert keçirilib. Elvin Əlizadə və

Amil Babayevin aparıcılığı ilə keçən tədbirdə gənc mğənnilər İbrahim Fərzəliyev, Leyla Məmmədova, Şəbnəm Faiqqızı, Pənah Məmmədli, Zaur Yusiflinin ifasında şən mahnılar səslənib,  "Turan" milli rəqs qrupunun ifasında "Azərbaycan inciləri" rəqsi izlənilib.

Corat qəsəbə mədəniyyət evinin özfəaliyyət kollektivi isə “N” saylı hərbi hissədə konsert proqramı ilə çıxış ediblər. Konsertdə mədəniyyət evinin “karvan” instrumental ansamblının ifasında instrumental musiqilər və solist Şəbnəm faiqqızının ifasında şən mahnılar xoş ovqat yaradıb.

Nizami Gəncəvi adına Kitabxana Klubda “Cığır” Mənəvi Dəyərlərin İnkişafına Dəstək İctimai Birliyi ilə birgə Azərbaycanın Milli Qəhrəmanı,şəhid Mübariz İbrahimova həsr olunmuş”Mən şəhid oldum ki,Vətən yaşasın”adlı tədbir keçirilib. Tədbirdə qəhrəmanımız haqqında geniş məlumat verilib. Sonra tarın müşayiəti ilə Mübaiz İbrahimova həsr olunmuş “Təəssüb”poemasından parçalar söylənilib. Sonda “Qarabağ silinməyən dərdimiz” başlıqlı sərgi haqqında məlumat verilib.                                                                                                                                                                                                                                                             Xalq TV                                                                                                                             Aygün Məmmədova

RƏYLƏR
ÖNƏRİLƏN XƏBƏRLƏR