Nobel prospektində qaz sızması baş verib - FOTO

Nobel prospektindən Zığ şossesinə gedən istiqamətdə yolun altından keçən qaz kəmərində sızma baş verib.

XalqTv.com bildirir ki, bu barədə qafqazinfo-ya Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli məlumat verib.

O bildirib ki, sızmanın aradan qaldırılması üçün aidiyyəti qurum tərəfindən yol qazılıb: "Qəza aradan qaldırılıb. Hazırda yolda asfaltlanma işləri görülür. Yaxın 1 saat ərzində təmir-bərpa işləri yekunlaşacaq".

XalqTv.com