idman

Üç ölkə İspaniya Superkuboku matçına ev sahibliyi etmək istəyir

Masya
Masya
  • 06 Nov 2018
  • 95 baxış

Üç ölkə İspaniya Superkuboku matçına ev sahibliyi etmək istəyir

İspaniya Superkuboku uğrunda matç yenidən xarici ölkədə keçirilə bilər.

XalqTv.com xəbər verir ki, İspaniya Futbol Federasiyası ABŞ, Çin və Qətərdən müvafiq təkliflər alıb.

Təklif göndərənlər arasında “Jirona”-“Barselona” matçını ABŞ-da keçirmək istəyən “Relevent” şirkəti də var. Xatırladaq ki, FIFA bu təklifin əleyhinə çıxmışdı. Alınan məlumatlara görə, İspaniya Futbol Federasiyasının prezidenti Luis Rubiales Birləşmiş Ştatlar variantına daha çox meyillidir. Belə ki, federasiya rəhbəri amerikan bazarının ispan çempionatı üçün strateji əhəmiyyətə malik olduğu fikrindədir. Bununla belə, Çin və Qətər matçın keçirilməsi üçün daha yüksək məbləğlər təklif edirlər.

Bu il Mərakeşdə keçirilən İspaniya Superkuboku matçında “Barselona” “Sevilya” klubunu 2:1 hesabı ilə məğlub edib.

RƏYLƏR
ÖNƏRİLƏN XƏBƏRLƏR