Ruhaninin təkrar prezidentliyi təsdiqləndi

Konstitusiyaya Nəzarət Şurası ölkədə keçirilən 12 -ci dövr prezident seçkilərinin nəticələrini təsdiqləyib.

XalqTV.com  APA-ya istinadən xəbər verir ki,  bunu İranın Daxili İşlər Nazirliyinin sözçüsü  Seyid Salman Samani deyib.
 
S. Samani bildirib ki, Şura hesabatlar və şikayətlərə müxtəlif iclaslarında baxıb və konstitusiyanın 79-cu maddəsini rəhbər tutaraq,  keçirilmiş prezident seçkilərinin nəticələrini təsdiqləyib.
 
S.Samani bildirib ki, seçkilər zamanı yol verilən qanun pozuntuları ilə bağlı bəzi şikayətlər baxılması üçün məhkəməyə göndərilib.
 
Xatırladaq ki,  may ayının 19-da İranda keçirilən prezident seçkilərində hazırkı prezident Həsən Ruhani 23 milyon 594 min 616 (57 faiz)  səslə qələbə qazanaraq yenidən prezident olub. Onun əsas rəqiblərindən İ.Rəisi isə 15 milyon 786  min 449 (38.5 faiz) səs qazanmışdı.

XalqTV.com

Digər maraqlı xəbərlər XalqTV.com-ın Facebook səhifəsində