Dünya

33 yük maşını sürücüsü və köməkçisini qətlə yetirib - Hindistanda silsilə cinayətlərin üstü açıldı

Masya
Masya
  • 16 Sep 2018
  • 154920 baxış

Hindistan polisi son 10 ildə 33 yük maşını sürücüsü və köməkçisini qətlə yetirdiyini etiraf edən kişini həbs edib.

Bundan əlavə, o, əlbir olduğu şəxslərlə birgə yük maşınlarının içindəkiləri və onların özlərini satıb.

XalqTv.com "Associated Press"ə istinadən xəbər verir ki, kişi Bxopal şəhərində saxlanılıb.

Polisin sözlərinə görə, onlar yük maşını sürücülərinin bir sıra oxşar qətllərini təhqiq edən zaman caninin izinə düşüblər. Əvvəlcə saxlanılan şəxsin bu cinayətlərlə əlaqəli olmadığı görünsə də, əvvəl saxlanılan cinayət yoldaşları onun əleyhinə ifadə veriblər.

Tezliklə residivist etdiyi əməli boynuna alıb və cinayətlərin təfərrüatlarını danışıb. O, əvvəlcə yolüstü kafelərdə sürücülərə yaxınlaşaraq onlarla münasibət qurub, sonra yeməklərinə yuxu gətirən maddə töküb. Daha sonra o, yük maşınının sükanı arxasına keçərək öz qurbanlarını qapalı məkana aparıb və orada qətlə yetirib.

Caninin əlbir olduğu şəxslər ona yük maşınları ilə daşınan malları və yük maşınlarını satmaqda kömək ediblər.

XalqTv.com

RƏYLƏR
ÖNƏRİLƏN XƏBƏRLƏR