Dünən yoxa çıxan 3 uşaq ölməmək üçün görün nə edib - FOTO

Türkiyənin Ağrı vilayətinin Pantos qəsəbəsində yoxa çıxan 2 qardaş və əmisi oğlu Günbeli kəndinin 450 metrliyində paltarları islaq, bir-birlərinə sarılmış halda tapılıblar.

XalqTv.com Haberler-ə istinadən xəbər verir ki, yaşları 11-13 arasında dəyişən hər 3 uşaq yuxulu vəziyyətdə tapılıb. 

Qeyd edək ki, Kaya ailəsinin övladları Muhammed, Rojhat və Taner Kaya dünən saat 09.00 radələrində evdən çıxıb və geri qayıtmayıblar. Axşama qədər evə dönməyən uşaqlardan xəbər almayan iki ailə vəziyyəti polisə bildirmişdilər.

Uşaqlar müayinədən sonra ailələrinə təhvil veriliblər.