Mario Qomes Almaniya yığmasınə tərk etdi

Almaniyanın "Ştutqart" futbol klubunun hücumçusu Mario Qomes milli komandada karyerasını başa vurduğunu bəyan edib.

XalqTV.com  "Report"a istinadən bildirir ki, bu barədə futbolçu öz "Facebook" səhifəsində yazıb.

"Mən milli komandada çıxışımla bağlı çox düşündüm və bu barədə danışmaq qərarına gəldim. Əlbəttə, mənim Almaniya yığmasının baş məşqçisi ilə söhbətim oldu. Yığmada mənim üçün heç də həmişə asan olmayıb, lakin mən orada dostlaşdığım əla insanlara rast gəldim. Amma öz yerimi boşaltmaq və onu Almaniya yığması üçün yaxşı nəticələr əldə edə biləcək gənc və istedadlı oyunçulara vermək vaxtı çatıb", - deyə Qomes yazıb.

33 yaşlı forvard bundestimin heyətində 2007-ci ildə debüt edib. O, ümumilikdə 78 oyunda çıxış edib və 31 qol vurub.

XalqTV.com