Türkiyə Superliqası oyunları üçün daha bir qadağa

Türkiyədə Super Liqa oyunları zamanı "periskop"a giriş qadağan edilib.

XalqTV.com goal.az-a istinadən xəbər verir ki, buna səbəb Türkiyənin "Digitürk" media platformasının məhkəməyə müraciəti olub. İstanbul məhkəməsi bu müraciəti haqlı sayaraq, Super Liqa oyunları zamanı "periskop"a girişi məhdudlaşdırıb. Yalnız matçlar bitdikdən sonra sosial şəbəkəyə giriş məhdudiyyəti aradan qalxacaq.

Türkiyə Super Liqasının oyunlarının yayım hüquqları "Digitürk"ə məxsusdur. "Digitürk"ün məhkəməyə müraciətinə səbəb, "periskop" istifadəçilərinin matçları icazəsiz olaraq canlı paylaşması olub. Türkiyə Super Liqasında yeni mövsüm avqustun 10-da, Ankaragücü - Galatasaray oyunu ilə start götürəcək.

XalqTV.com