İran qaynayır: həmişəki kimi, kölgədə Qərb var

İranda bahalaşmaya və ölkənin milli valyutasının devalvasiyasına qarşı etiraz aksiyaları səngimək bilmir.

XalqTv.com ABC-yə istinadən bildirir ki, aksiyalar artıq Tehranda da başlanıb.

İqtisadi vəziyyətdən və sürətli bahalaşmadan narazı olan vətəndaşlar hökumətin istefasını tələb edirlər.

Bir qədər əvəl Məşhəd, Şiraz və İsfəhanda analoji aksiyalar olmuşdu.

İranlılar ölkə rəhbərliyindən ərzaq məhsullarının bahalaşmasına və milli valyutanın ucuzlaşmasına son qoymağı tələb edirlər.

İranın hakimiyyət dairələri ilə yanaşı, müstəqil siyasi ekspertlər də bu aksiyaların spontan olmadıqlarını, ABŞ-ın Tehrana qarşı yeni sanksiyaların tətbiqindən sonra başlamasının təsadüf təsiri bağışlamadığını bəyan edirlər.