İqtisadiyyat

Tikintiyə sərf olunan vəsaitin həcmi açıqlandı

13 Jul 2018
352 baxış

2018-ci ilin yanvar-iyun aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 6331,7 milyon manat və ya əvvəlki ilin müvafiq dövrü ilə müqayisədə 14,1 faiz az vəsait yönəldilib.

XalqTV.com bildirir ki, bu barədə Trend-ə Dövlət Statistika Komitəsindən məlumat verilib.

Məlumata görə, bu azalma neft sektoruna investisiyaların azalması ilə bağlı olub, qeyri-neft sektoruna yönəldilmiş vəsaitin həcmi isə 21,5 faiz, o cümlədən qeyri-neft sənayesinə qoyulmuş investisiyalar 72,8 faiz artıb.

Ümumi sərmayənin 72,9 faizi bilavasitə tikinti-quraşdırma işlərinin yerinə yetirilməsinə sərf edilib, istifadə olunmuş vəsaitin 72,0 faizi məhsul istehsalı obyektlərinin, 20,7 faizi xidmət sahələri üzrə obyektlərin, 7,3 faizi isə ümumi sahəsi 946,4 min kvadrat metr olan yaşayış evlərinin tikintisinin payına düşüb. Daxili mənbələrdən əsas kapitala yönəldilmiş vəsait ümumi sərmayənin 54,3 faizini təşkil edib.

Əsas kapitala yönəldilmiş sərmayənin ümumi dəyərində müəssisə və təşkilatların vəsaitləri 52,8 faiz, bank kreditləri 14,7 faiz, büdcə vəsaitləri 24,4 faiz, əhalinin şəxsi vəsaitləri 6,2 faiz, büdcədənkənar fondların vəsaitləri 1,3 faiz, sair vəsaitlər isə 0,6 faiz təşkil edib.

XalqTV.com

RƏYLƏR