Azərbaycanda yaxşı həkimlər var

Necə oldu ki, vətəndaşın Azərbaycan həkiminə inamı azaldı? Məncə aşağıdakı səbəblər oldu və bu səbəblərdən bəzi həkimlər peşəkar yetişə bilmədi; 1) universitetlərin bəzilərində "özəl tibb fakültələri" açıldı, sonra bağlandı, 2) hal-hazırda Azərbaycan Tibb Universitetinin bəzi fakültələrinin qəbul zamanı keçid balı aşağıdır, 3) Sovet məktəbi keçmiş bəzi həkimlər SSRİ dağılsa da o vaxt buraxılan kitablardan, köhnə təcrübələrdən əl çəkib, yeni biliklərə yiyələnmədilər, 4) Azərbaycan Tibb Universiteti son bir neçə ili çıxmaq şərtilə dərs keçmə üsullarından tutmuş, praktik təcrübələrə qədər standartların çox gerisində idi. Son illər Tibb Universitetində baş verən yeniliklər yaxşı proqnoz vəd edir, 5) tibb bərabərdir İngilis dili. Həkimliyə hazırlaşanlar İngilis dilindən imtahan vermədikləri üçün bu dilə biganə yanaşdılar. Rus dilində danışmaq həkimlərimiz arasında dəb olsa da tibdə yeri yoxdur, 6) elə bilirlər ki, bir həkim, məsələn tarixi, ədəbiyyatı əzbər bilirsə, o, savadlı həkimdir. Ola bilər, amma ilk növbədə öz ixtisasını bilməlidir, 7) elə bilirlər ki, bir həkim tibb dilində danışırsa və ondan heç nə başa düşmürsənsə, o, savadlı həkimdir. Bəlkə hə, bəlkə də yox,  elə bilirlər ki, bir həkim hansısa məşhuru müalicə edibsə, o, yaxşı həkimdir. Amma bu, bir kriteriya deyil, 9) elə bilirlər ki, bir həkim "facebook", "instagram"a elədiyi əməliyyatların şəklini qoyursa, o, yaxşı həkimdir. Amma bu,bir kriteriya deyil.