idman

Polina Rəhimova \"Fənərbağça\"ya lazım olmadı

05 May 2018
159922 baxış

Azərbaycan milli komandasının voleybolçusu Polina Rəhimova klubsuz qalıb.

XalqTV.com apasport.az-a istinadən xəbər verir ki, milliləşən legioner son mövsümdə çıxış etdiyi Türkiyə "Fənərbağça"sına lazım olmayıb.

Müqaviləsi başa çatan 5 oyunçu ilə yollarını ayırmağa qərar verən İstanbul nəhəngi Polinanın xidmətində maraqlı olmayıb. Hücumçunun Türkiyə karyerası bir mövsümdən artıq sürməyib.

"Fənərbağça"nın heyətdəki islahatları uğursuz mövsümlə bağlıdı. Belə ki, istanbullular Türkiyə çempionatında yalnız bürünc medal qazanıb. Polina və komanda yoldaşlarının bu medalı isə son 5 mövsümün ən uğursuz nəticəsidi. 2014/15 və 2016/17 mövsümlərində qızıl, 2013/14 və 2015/16 mövsümlərində gümüş əldə edən istanbullular bu dəfə finala həsrət qalıb.

XalqTV.com