Avropa Liqası: 8 matçda 22 qol

Bu gün futbol üzrə Avropa Liqasında 1/8 final mərhələsi çərçivəsində ilk oyunlar keçirilib. XalqTV.com apasport.az-a istinadən xəbər verir ki, mərhələnin ən çox gözlənilən matçı İtaliyada oynanılıb.

"Milan" doğma azarkeşləri önündə "Arsenal"ı qəbul edib. İtaliyada keçirilən qarşılaşmanın ilk hissəsində meydan sahiblərini 2 dəfə mərkəzə dəfət edən londonlular 1/4 finalın qapısını aralayıb.

Çempionlar Liqasının qrup mərhələsində "Qarabağ"a rəqib olmuş "Atletiko" ilk oyununu evdə keçirib. Madrid təmsilçisi Moskva "Lokomotiv"inin qapısından 3 cavabsız top keçirməklə, böyük üstünlük əldə edib.

Turnirin güclü komandalarından hesab olunan Dortmund "Borussiya" gözlənilmədən doğma azarkeşləri önündə Avstriya "Zalsburq"una uduzub.

Avropa Liqasında mübarizə aparan Rusiyanın hər 3 klubu ilk görüşdə rəqibinə məğlub olub.

Ümumiyyətlə, 1/8 final mərhələsinin ilk qarşılaşmaları olduqca məhsuldar alınıb. Təsadüfi deyil ki, 8 görüşdə qapılara 22 top vurulub.

Avropa Liqası

1/8 final, ilk oyunlar

8 mart

"Milan" (İtaliya) - "Arsenal" (İngiltərə) - 0:2

Qollar: Mxitaryan, 15; Remsi, 45+4

"Atletiko" (İspaniya) - "Lokomotiv" (Rusiya) - 3:0

Qollar: Saul, 22; Dieqo Kosta, 47; Koke, 90