idman

\"\"Real\" PSJ-yə sakitcə qalib gələcək\"

26 Feb 2018
272 baxış

"Mançester Siti"nin futbolçusu Serxio Aquero Çempionlar Liqasının 1/8 finalında PSJ ilə "Real" arasında keçiriləcək cavab qarşılaşması barədə proqnoz verib.

XalqTV.com komanda.az-a istinadən xəbər verir ki, Aquero "Real"ın qalib gələcəyini iddia edib. O, belə iddianı "kral klubu"nun böyük təcrübəsinə əsaslanaraq irəli sürüb:

"Hesab edirəm ki, "Real" sakitcə PSJ-yə qalib gəlib 1/4 finala adlayacaq. Onların 2 top üstünlüyü var. Üstəlik, səfərdə "Real"ın qol vurmaq üçün həmişə şansı olur.

Əgər qonaqlar bir qol vursa, onda hər şey bəlli olacaq. "Real" Çempionlar Liqasında böyük təcrübəyə malikdi və sakit tərzdə növbəti mərhələyə adlayacaq".

"Kral klubu" Madriddə keçirilən ilk qarşılaşmada 3:1 hesabı ilə qalib gəlib. Cavab qarşılaşması martın 6-da keçiriləcək.

XalqTV.com