Coca-Cola-nın sirləri

İlk dəfə ortaya çıxan zaman hamı ona "kokainli eliksir" deyirdi. 1886-cı ildən 1929-cu ilə qədər adi bir qazlı içki idi. Bu gün isə Kola 200 fərqli ölkədə 1.9 milyard ədəd istehlak edilən bir içkidir. "Coca-Cola" isə dünya brendi olan çox böyük bir şirkətdir. Bəs "Coca-Cola" bu vəziyyətə necə gəlib çıxıb?

XalqTV.com moneta.az-a istinadən bildirir ki, "Coca-Cola"nın İnnovasiya üzrə Vitse-Prezidenti David Butler "Coca-Cola"nın uğurunu 7 əsas marketinq strategiyası ilə əlaqələndirir. İndi həmin strategiyalara birlikdə baxaq.

1) Tərkibi sirr olaraq saxlanılırdı və bütün bazar testlərini uğurla keçmişdi.

1903-cü ilə qədər tərkibində kokain istifadə edildiyi yazılırdı və daha sonra kokain sözü çıxarıldı.

2) Loqosu bütün dövrlərlə ayaqlaşır!

Vaxtı ilə mühasiblərin istifadə etdiyi "Spencerian" fonu ilə yazılan loqo "Coca-Cola"nı rəqiblərindən fərqli edəcəkdi. 1923-cü ildən etibarən loqo standard vəziyyətə gətirildi və şüşə butulkanın forması illər ərzində dəyişsə də loqo hər zaman eyni qaldı.

3) 1915-ci illərdə bütün kola markaları eyni dizaynda olan şüşə butulkadan istifadə edirdilər və bu da bir fərq yaratdı!

"Coca-Cola"nı qabağa aparacaq bir addım atmağı lazım idi. Məhsulu həm daha yüksək keyfiyyətdə göstərəcək, həm də daha fərqli edə biləcək yeni bir şüşə butulka şəkildə dizayn edilməsi qərara alındı. Buna görə ölkə çapında bir müsabiqə təşkil edildi. Müsabiqəni "Root Glass" şirkəti qazandı.

4) "Coca-Cola" satmağın qaydaları var idi.

Ernest Woodruff-un "Trust" şirkəti 1919-cu ildə "Coca-Cola"nı aldı və keyfiyyətini qorumaq üçün müəyyən standartlar yaradılmasının lazım olduğunu düşündü. "Coca-Cola"nın soyuducularda 2 dərəcədə saxlanılması qərara alındı. Şirkət pərakəndə satışla məşğul olanlara nümayəndələr göndərirdi və içkini heç bir zaman 4.5 dərəcədən yuxarı istilikdə satılmaması lazım olduğu deyilirdi. Bu standart "Coca-Cola"nı rəqiblərindən daha dəyərli etdi.