idman

"Qarabağ" qış fasiləsinə 6 xallıq fərqlə yollandı - YENİLƏNİB

08 Dec 2017
275 baxış

20:59

Bu gün Azərbaycan Premyer Liqasında mövsümün ilk yarısına yekun vurulub.

XalqTV.com apasport.az-a istinadən xəbər verir ki, çempionatın bu il keçirilən son qarşılaşmasında "Səbail" və "Qarabağ" üz-üzə gəlib.

IV turdan təxirə salınan qarşılaşma "Bayıl Arena"da baş tutub.

Qış çempionluğunu vaxtından əvvəl təmin edən "Qarabağ" bu görüşdə də qalib gələrək, ardıcıl 6-cı qələbəsini qazanıb. Ağdam klubunun 2:0 hesablı üstünlüyü ilə yekunlaşan qarşılaşmada qollara Pedro Enrike və Dani Kintana imza atıblar.

"Qarabağ" bu qələbə sayəsində Premyer Liqada qış fasiləsinə 6 xallıq fərqlə yollanıb.

Azərbaycan Premyer Liqası
IV turdan təxirə salınan oyun
8 dekabr (cümə)

"Səbail" - "Qarabağ" - 0:2
Qollar: Pedro Enrike, 57; Dani Kintana, 69 (p.)
Hakimlər: Orxan Məmmədov, Mehman Mahmudov, Knyaz Əmiraslanov, İnqilab Məmmədov
AFFA nümayəndəsi: Elbrus Abbasov
Hakim-inspektor: Vüsal Əliyev
"Bayıl Arena"

---------

10:14

Bu gün Topaz Premyer Liqasında 2017-ci ilin son oyunu keçiriləcək.

XalqTV.com xəbər verir ki, IV turdan təxirə salınmış oyunda "Səbail" öz meydanında "Qarabağ"ı qəbul edəcək.

"Qarabağ" debütant üzərində qələbə qazansa, fasiləyə ən yaxın izləyicisi "Qəbələ"dən 6 xal öndə yollanacaq.

Qeyd edək ki, bu komandalar arasında keçirilən son oyunda Qurban Qurbanovun komandasının 1:0 hesablı qələbəsi ilə tamamlanıb.

Topaz Premyer Liqası

IV turdan təxirə salınmış oyun

8 dekabr
19:00. "Səbail" - "Qarabağ"
Bayıl Arena

Turnir cədvəli

Yer	Klublar	O	Q	B	M	T-F	X
1.	Qarabağ	13	11	1	1	23-6	34
2.	Qəbələ	14	10	1	3	28-14	31
3.	Zirə	14	9	3	2	23-11	30
4.	Sumqayıt	14	6	2	6	17-17	20
5.	Neftçi	14	5	1	8	17-16	16
6.	Səbail	13	4	1	8	9-19	13
7.	Keşlə	14	2	2	10	9-24	8
8.	Kəpəz	14	2	1	11	10-29	7

Bombardirlər:
1. Baqali Dabo ("Qəbələ") - 9 qol
2. Mahir Mədətov ("Qarabağ") - 6 qol
3. Riçard Qadze ("Zirə") - 6 qol
4. Amil Yunanov ("Sumqayıt") - 5 qol

XalqTV.com

Digər maraqlı xəbərlər səhifəsində

RƏYLƏR