Siyasət

"Sabah günorta final bəyanatını imzalayacağıq" - Yohannes Han

23 Nov 2017
338 baxış

"Deyə bilərəm ki, biz nəinki razılaşma əldə edəcəyik, həm də sabah günorta final bəyanatı imzalayacağıq".

XalqTV.com APA-ya istinadən xəbər verir ki, bunu Avropa İttifaqının genişlənmə və qonşuluq siyasəti üzrə komissarı Yohannes Han "Şərq tərəfdaşlığı" sammiti çərçivəsində təşkil olunmuş press-tur iştirakçıları ilə görüşündə deyib.

"Şərq tərəfdaşlığı" zirvə toplantısının yekun bəyannaməsinin razılaşdırılması ilə bağlı müzakirələrin uzanmasına toxunan Y. Hanın sözlərinə görə, sammitlərin xüsusiyyəti belədir ki, final bəyanatı ən son ana kimi müzakirə olunur: "Final bəyanatını imzalayacağıq. Bu, hamını yüz faiz məmnun edəcək və Avropa İttifaqına üzv 28 dövlətin, 6 "Şərq tərəfdaşlığı" ölkəsinin maraqlarına uyğun olacaq".

XalqTV.com

Digər maraqlı xəbərlər XalqTV.com-ın Facebook səhifəsində